മത്സരത്തില് നന്നായി പന്തെറിയാന് കഴിഞ്ഞതായും പരിക്കില് നിന്ന് പൂര്ണമായും മോചിതനായതിന്റെ ആത്മവിശ്വാസമുണ്ടെന്നും ശ്രീശാന്ത് പറഞ്ഞു. ഐപിഎല് ലക്ഷ്യമാക്കിയുള്ള പരിശീലനമാണ് ഇപ്പോള് നടത്തുന്നത്. രാജസ്ഥാന് റോയല്സിന്റെ മൂന്ന് പരിശീലന ക്യാമ്പുകള് ജയ്പൂരിലും നാഗ്പൂരിലുമായി പൂര്ത്തിയായിക്കഴിഞ്ഞു. അടുത്ത ക്യാമ്പ് ഈ മാസം 26 ന് തുടങ്ങും. ഐപിഎല്ലില് നന്നായി കളിക്കാനാകുമെന്ന് ഉറപ്പുണ്ട്.
സപ്തംബറില് നടക്കുന്ന ട്വന്റി 20 ലോകകപ്പില് ടീമിലെത്താനാകുമെന്നാണ് പ്രതീക്ഷിക്കുന്നതെന്നും ശ്രീശാന്ത് കൂട്ടിച്ചേര്ത്തു. കൊച്ചിയ്ക്ക് ഐപിഎല് ടീം നഷ്ടമായതില് ഏറെ വേദനയുണ്ട്. കൂടുതല് പുതുമുഖങ്ങള്ക്ക് കടന്നു വരാനുള്ള അവസരമാണ് ഇതിലൂടെ നഷ്ടമായത്. അടുത്ത സീസണില് ടീം വീണ്ടെടുക്കാന് കഴിയുമെന്നാണ് കരുതുന്നതെന്നും ശ്രീശാന്ത് പറഞ്ഞു.
0 അഭിപ്രായ(ങ്ങള്):
ഒരു അഭിപ്രായം പോസ്റ്റ് ചെയ്യൂ