2012, ഏപ്രിൽ 16, തിങ്കളാഴ്ച
റോം: ഇറ്റലിയില്‍ സെരി ബി മല്‍സരത്തിനിടെ ലിവര്‍ണോ മിഡ്ഫീല്‍ഡര്‍ പിയെര്‍മരിയോ മൊറോസിനി കുഴഞ്ഞുവീണു മരിച്ചു. ഹൃദയാഘാതമാണ് മരണകാരണമെന്ന് ഡോക്ടര്‍മാര്‍ അറിയിച്ചു. മൊറോസിനിയുടെ നിര്യാണത്തെ തുടര്‍ന്ന് ഇറ്റാലിയന്‍ ലീഗില്‍ ഇന്നലെ നടക്കേണ്ടിയിരുന്ന എല്ലാ മല്‍സരങ്ങളും മാറ്റിവച്ചു.
പെസ്കാറയ്ക്കെതിരായ മല്‍സരത്തിനിടെയാണ് 25കാരനായ മൊറോസിനി ഗ്രൌണ്ടില്‍ കുഴഞ്ഞുവീണത്. തുടര്‍ന്ന് പെസ്കറയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു. ആംബുലന്‍സ് എത്താന്‍ വൈകിയതിനാലാണ് മൊറോസിനിയെ രക്ഷിക്കാന്‍ കഴിയാഞ്ഞതെന്ന് ഇറ്റാലിയന്‍ മാധ്യമങ്ങള്‍ റിപോര്‍ട്ട് ചെയ്തു.
മത്സരത്തിന്‍റെ വീഡിയോ
